VÍS

uppá síðkastið og á döfinni

RR — Wed, 16 May 2012 23:51:06 +0000

Allt að gerast. EM að hefjast eftir minna en viku! Gleði gleði! Ég er alveg ótrúlega spennt fyrir ferðinni út. Komast í aðeins betra veður og synda einsog mófó.

Hér eru nokkrar myndir af lífinu síðustu daga.

RaRa

Undirbúningur

RR — Mon, 07 May 2012 14:16:18 +0000

Undirbúningur fyrir EM og Mare Nostrum er í fullum gangi. Ég er loksins búin að losna við lungnavesenið mitt enn eina ferðina og ég hlakka mikið til að fara út og keppa! Við erum ekkert smá mörg sem förum og verður ferðin að öllum líkindum þvílíkt skemmtileg!

Þá er að spýta í lófana

Við Erla Dögg á Smáþjóðaleikum í fyrra! Tanaðar og hressar! Hlakka til að vesenast með besta herbergisfélaganum!

Áfram Ísland

RaRa

Gleðilegt sumar

RR — Fri, 20 Apr 2012 23:45:10 +0000

Já það er komið sumar !

…gleði gleði gleði…

myndir teknar af www.pinterest.com

Til hamingju Ísland

RR — Sat, 14 Apr 2012 09:04:19 +0000

Þá er keppni minni í einstaklingsgreinum lokið á Íslandsmótinu í 50m laug þetta árið. Ég verð að viðurkenna að ég er mjög ánægð að vera búin að þessu þar sem ég var, nokkrum sinnum á síðustu 2 vikum, að spá í að “hringja mig inn veika” í vinnuna þessa helgina. Það er að sjálfsögðu ekki eitthvað sem ég var alvarlega að spá í að gera enda hef ég tamið mér þá reglu að mæta og gera mitt besta sama hvað. Ég þarf að vera með hita, ælandi eða á spítala til þess að forfallast af svona móti og raunin var að sjálfsögðu og blessunarlega ekki sú.

“Af hverju ertu að synda svona hægt Ragga?” Mér brá ekki þegar ég fékk þessa spurningu frá yngri sundmanni sem virðist líta mikið upp til mín. Ég geri mér grein fyrir því að með þeim árangri sem ég hef náð í gegnum tíðina þá var ég að synda hægt og illa í greinunum mínum á þessu móti. Ég brosti og hálf vandræðalega vissi ég ekki alveg hvort ég ætti að útskýra fyrir barninu hvað væri að gerast eða ekki. “Stundum syndir maður hratt og stundum ekki” sagði ég bara og bjó til eina kúlu úr fötunum mínum og hélt á þeim einsog fótbolta á meðan ég labbaði upp í stúku. Á leiðinni þurfti ég að brosa og halla hausnum í átt að nokkrum andlitum sem gáfu mér vorkunnarbrosið fræga.

Núna eru rúmlega 3 mánuðir í Ólympíuleika og ég ætti að vera að synda hratt á Íslandsmótinu, er það ekki? Ég hefði auðvitað vilja synda aðeins hraðar en ég gerði en ég er hálf fegin. Evrópumeistaramótið er efir mánuð og svo leikarnir. Minningar frá árinu 2004 flæddu yfir mig þegar hausinn á mér bugaðist eftir 50m skriðsundið á fimmtudaginn og ég varð fúl í 5 mínútur. Árið 2004 (þegar ég var 19 ára) þá kepptist ég við það allt tímabilið að halda mér inni á Ólympíuleikunum. Ég toppaði 5 sinnum fyrir sumarið og var í raun að setja met á mánaðar fresti. Síðan var maður komin á Ólympíuleikana og þá var öll orkan búin til að synda hratt og setja met. Ég þurfti að minna mig á þetta núna um helgina.

19 ára svkísa í Aþenu 2004

Eftir vetur-veikindin sem virðast alltaf elta mig uppi í febrúar var ég frekar slöpp í smá tíma. Ég fór í blóðprufur, heilaskanna og ég veit ekki hvað og hvað til að reyna að finna út hvað það væri sem var að hjá mér. Á tímabili í febrúar þá átti ég erfitt með að labba upp stigana heima hjá mér. Sem betur fer var ekkert alvarlegt að og ég hélt áfram eins vel og ég gat. Núna er ég búin að ná upp góðu æfngatempói og er komin á fullt aftur. Ég hefði ekki getað tekið betri ákvörðun um að halda æfingunum frekar erfiðum fram að Íslandsmótinu og vonað hið besta bara. Þótt það sé alltaf gaman að standa sig vel á Íslandsmóti, vitandi það að mamma, pabbi og vinirnir eru uppi í stúku að öskra á mann, þá er stefnan tekin á að toppa á Evrópumeistaramótinu í staðin og kremja Ólympíulágmörkin þar. Toppa síðan að sjálfsögðu svakalega á leikunum sjálfum.

Stelpurnar í KR tóku mig alveg í bakaríið í gær fyrir að vera alltaf að kvarta yfir því að vera orðin svo gömul. Ég hló og hló þar sem þær skömmuðu mig hálfpartinn fyrir að vera alltaf að nefna það hvað ég væri mikil ellikelling og hvað ég væri nú þreytt. Ég verð samt að bæta því hérna inn að það er ekkert hægt að komast hjá því að eldast. Þetta er klárlega erfiðara heldur en fyrir 8 árum en það gerir þetta bara ennþá meira “worth it“

Núna ætla ég að setja allt í botn fyrir boðsund í dag og á morgun. Áfram KR!

Þótt síðustu tveir dagar hafi verið erfiðir og stirðir fyrir mig persónulega þá er Íslandsmótið með betri mótum sem ég hef tekið þátt í hérna heima. Met eru að fjúka út og krakkarnir eru að standa sig einsog hetjur. Það gerist alltaf svona rétt fyrir Ólympíuleika og það er svo sannarlega útborgunardagur eftir brjálaðar æfingar og erfiði hjá flestum. Ánægjan skín úr augum þeirra sem standa sig vel, ná lágmörkum og setja met. Það þykir mér æðislegt og mig langar til að segja til hamingju Ísland, fyrir að eiga svona frábært sundfólk.

Ragga

Myndataka

RR — Thu, 29 Mar 2012 17:09:38 +0000

Fór með Lalla Sig út á land til að taka myndir! Ég er ekkert smá ánægð með útkomuna

Myndir: Lalli Sig. Aðstoð: Þormar Vignir Gunnarsson og Berglind Ósk

RaRa

Alltaf áfram

RR — Sun, 25 Mar 2012 02:42:51 +0000

Ég hef ekki bloggað í smá tíma. Ég er búin að vera að æfa, sofa og hafa það gott þess á milli. Ég er á hraðri leið að markmiðum þessa “seasons” – Ólympíuleikar í London! Ég fer alltaf áfram í þessu. Það er ekkert skemmtilegra en að komast í þetta form sem er að myndast! Ég er orðin rúmlega spennt fyrir sumrinu og árangrinum sem ég ætla að ná.

Setjið markið hátt og munið að njóta ferðarinnar þangað. Það er fátt annað sem skiptir máli í þessu lífi en að líða vel og hafa gaman að því sem maður er að gera.

Ákvað að setja þessa mynd inn þar sem ég er hjartanlega sammála þessu. Ég er búin að vera með fast bros á mér allt þetta ár!

Takk fyrir mig alheimur! Þú kemur mér á óvart á hverjum degi.

Spennandi leið að fjáröflun fyrir félög

RR — Fri, 16 Mar 2012 19:01:54 +0000

Ég vil vekja athygli ykkar á nýjum möguleika í fjáröflun. Vefsíðan netsofnun.is býður ykkur að stofna fjáröflun fyrir hópinn ykkar á netinu. Með mjög einföldum hætti þá er hægt að stofna söfnun og þá opnast vefbúð fyrir hvern aðila í hópnum. Þetta er bæði mjög einfalt en að sama skapi öflugt kerfi, þar sem fljótlegt er að hefja söfnun.

Hópstjóri sem stofnar söfnunina, hefur yfirsýn yfir hvernig hverjum safnara gengur

Hver safnari getur fylgst með í rauntíma hvernig gengur að safna

Hver safnari getur deilt sinni söfnun/vefbúð á Facebook, í tölvupósti

Hægt að fá prentvæna útgáfu af söfnunni, til að ganga í hús og safna

Mikið úrval af vörum í boði

Hægt að koma með eigin vörur til að selja

Þrjár mismunandi greiðsluleiðir fyrir kaupendur – kreditkort – greiðsluseðill – millifærsla

Söfnunarupphæð greidd strax eftir að söfnun lýkur

Einfalt að safna fyrir – félagsgjaldinu – ferðalaginu – búningnum ….

Enginn útlagður kostnaður við að nýta kerfið

netsofnun.is

-R-

nokkrir mánuðir…

RR — Mon, 27 Feb 2012 11:18:59 +0000

Núna eru nokkrir mánuðir þangað til Ólympíuleikar hefjast. Ég er sjúklega spennt og þreytt. Æfingarnar eru alveg hell núna.

Gæti þetta ekki án allra í kringum mig og styrktaraðila minna!

Takk fyrir mig!

Dear Olympic Gold Medal

RR — Fri, 24 Feb 2012 12:16:57 +0000

Dear Olympic Gold Medal

We have not officially been introduced. I’ve got my mind set on you. I will make you mine, even if I have to bleed and scream. You are worth it.

You will hear my beautiful anthem in August.

See you soon.

xoxo – Ragga

Secret – Vision

RR — Tue, 07 Feb 2012 16:06:38 +0000

Það hafa margir heyrt um The Secret og hvernig á að gera Vision board. Flestir vita líka að ef maður skrifar niður markmiðin sem maður hefur þá eru miklu miklu miklu meiri líkur á að maður nái þeim eða fái það sem maður vill. Ég byrjaði fyrir löngu síðan að gera “vision board” í tölvunni.

Bjó til möppu á desktoppinu sem heitir einfaldlega ‘vision’ svo þegar ég finn eitthvað á netinu sem mig langar í eða eitthvað sem veitir mér innblástur þá seiva ég það í þessa möppu. Af og til scrolla ég svo í gegnum alla möppuna og skoða hvað ég er búin að setja í hana. Svo dett ég inn á myndir sem ég hef sett inn fyrir löngu og hef svei mér þá ‘secretað’ til mín.

Hér eru nokkrar myndir úr þessari möppu. (það eru um 1000 myndir í möppunni)

Það besta við þetta er að maður getur sett hvað sem er. Fundið myndir á google eða bara þegar maður dettur inn á síður sem maður fílar. Pinterest og Weheartit eru síður sem eru í miklu uppáhaldi hjá mér og alveg sjúklega mikið af flottum myndum þar.

Farðu að vision-a! Ég lofa að það mun vera þess virði! Svo er alltaf hægt að prenta út og setja upp á alvöru ‘vision board’ eða bara skella nýrri mynd á desktoppið í tölvunni á hverjum degi úr þessum fólder þar sem allar myndirnar eru í.

Enjoy