Það hafa margir heyrt um The Secret og hvernig á að gera Vision board. Flestir vita líka að ef maður skrifar niður markmiðin sem maður hefur þá eru miklu miklu miklu meiri líkur á að maður nái þeim eða fái það sem maður vill. Ég byrjaði fyrir löngu síðan að gera “vision board” í tölvunni.

Bjó til möppu á desktoppinu sem heitir einfaldlega ‘vision’ svo þegar ég finn eitthvað á netinu sem mig langar í eða eitthvað sem veitir mér innblástur þá seiva ég það í þessa möppu. Af og til scrolla ég svo í gegnum alla möppuna og skoða hvað ég er búin að setja í hana. Svo dett ég inn á myndir sem ég hef sett inn fyrir löngu og hef svei mér þá ‘secretað’ til mín.

Hér eru nokkrar myndir úr þessari möppu. (það eru um 1000 myndir í möppunni)

Það besta við þetta er að maður getur sett hvað sem er. Fundið myndir á google eða bara þegar maður dettur inn á síður sem maður fílar. Pinterest og Weheartit eru síður sem eru í miklu uppáhaldi hjá mér og alveg sjúklega mikið af flottum myndum þar.

Farðu að vision-a! Ég lofa að það mun vera þess virði! Svo er alltaf hægt að prenta út og setja upp á alvöru ‘vision board’ eða bara skella nýrri mynd á desktoppið í tölvunni á hverjum degi úr þessum fólder þar sem allar myndirnar eru í.

Enjoy

R

Hvern einasta dag heyrum við og sjáum hluti sem við kannski hlustum ekki, né horfum á. Af hverju ættir þú að vera eitthvað sérstaklega að horfa á hellurnar í götunni sem þú ert að labba á eða hlusta á hljóðið í strætó sem er að keyra framhjá? Þetta er jú allt bara þarna og engin ástæða fyrir því. Eða hvað?

Ég hef lesið margar góðar bækur og ein þeirra heitir ‘The Power’. Þessi bók er framhald bókarinnar ‘The Secret’ sem margir kannast kannski við og ef til vill hafa lesið. ‘The Power’ snýst um það hvernig hægt er að nota þennan magnaða styrk til þess að breyta lífinu til hins betra fyrir þig og alla í kringum þig. Jú, þetta snýst um að hugsa jákvætt um allt og horfa í kringum sig og hlusta á það sem gerist í lífinu.

hvíta hjarta tattooið mitt sem minnir mig á ást. svarta akkeris tattoo vinkonu minnar sem minnir hana á von.

Allt sem gerist í kringum þig er að gerast í kringum ÞIG. Þú finnur ekki lyktina af góðu súpunni hennar ömmu nema þú farir til hennar þegar hún er að búa hana til. Þú tekur ekki eftir ástfangna parinu vera að kyssast á Austurvelli, ef þú ert heima hjá þér að horfa á sjónvarpið á meðan. Þú heyrir ekki fuglasönginn ef þú labbar í gengum skóginn með ipodinn í eyrunum að hlusta á Beyonce. Allt sem við sjáum, heyrum og finnum eru skilaboð til okkar. Mjög fáir taka bara eftir því. Ef þú labbar framhjá manneskju á götunni sem er að springa úr gleði, þá er lífið kannski að segja við þig “sjáðu, það er hægt að vera glaður í dag. Cheer up”. Ef þú heyrir tvær manneskjur vera að tala saman um það hvað veðrið er svakalegt úti, er lífið og alheimurinn þá kannski að segja við þig “klæddu þig vel þegar þú ferð út”?

Við erum öll það mismunandi að við getum séð og heyrt sömu hlutina og samt eru það mismunandi skilaboð til okkar. Ef þú hlustar og horfir þá kemstu fljótt að því hvað er verið að segja þér. Hellurnar í götunni? Jú, þær eru líka að tala til okkar. Ef þú horfir niður og sérð hellurnar sem þú ert að labba á hlustaðu þá. Ég var að labba í Austurstræti rétt fyrir jól og tók eftir hellunum sem ég var að labba á. Ég tók meðvitaða ákvörðun um að hlusta á hvað væri að gerast. Ég fór allt í einu að muna eftir þeim tíma þegar maður var lítill og mátti ekki labba á strik. Ég tók mig til og labbaði ekki á strikin á milli. Ég fór líka að hugsa, Ragga, af hverju ertu að horfa svona mikið niður? Ég gerði mér grein fyrir því að ég væri að strunsa í gengum þvöguna af fólki sem var að kaupa jólagjafir og að ég væri ekki að njóta lífsins neitt svakalega mikið á þessari hraðferð minni. Ég leit upp, horfði í kringum mig. Sá jólaljósin og brosandi fólk með poka og jólagjafir. Ég sá nokkra stráka standa fyrir utan English pub að syngja, hálf illa en samt í mikilli gleði. Væntanlega útaf flæðinu af jóla Tuborg sem þeir voru að njóta þarna í góðra vina hópi. Ég brosti og hélt áfram ferð minni og hugsaði, ég þarf oftar að hlusta.

Ég geri þetta meðvitað og að sjálfsögðu gleymi ég mér stundum. Það er ekki auðvelt að vera alltaf “alert” og vakandi fyrir öllu sem er að gerast. En jafnvel þótt það gerist kannski bara einu sinni á dag hjá mér að ég man að ég ætla að hlusta og taka eftir því sem er að gerast, þá endar það alltaf með mini-lexíu fyir mig. Klæddu þig betur, leiktu þér oftar, vertu glöð núna.

Í bókinni ‘The Power’ talar höfundur einnig um að láta alheiminn sýna sér og minna sig á að það er allt gott og ást er að fylgja þér með því að sýna þér eitthvað ákveðið sem þú tengir við góða hluti. Höfundurinn lýsti því í bókinni að í hvert skipti sem hún sér ljós í augunum, þeas. ef að hún fær sólarljós í augun eða þegar hún kveikir á símanum sínum í myrkri og fær ofbirtuna, þá sé alheimurinn að minna hana á að ástin fylgi henni og að allt sé gott. Hún ákvað að ljósgeisli myndi vera það sem myndi minna hana á ástina. Ég valdi mér tvo hluti sem minna mig á að allt er gott og alltaf þegar ég sé þessa tvo hluti brosi ég mínu breiðasta og man ástina. Hvort sem að það er eitthvað sem þú gætir séð, heyrt eða fundið á einhvern hátt, prófaðu að velja þér eitthvað sem þú tengir við góðar minningar. Hvort sem það er að í hvert skipti sem þú sérð hund eða í hvert skipti sem þú heyrir barn hlæja þá er það þarna til að minna þig á að allt er gott.

Mundu svo að spara ekki brosið þegar það gerist. Alheimurinn er miklu meiri vinur þinn heldur en þig grunar. Þú sérð það þegar þú byrjar.

Ást.